কেইটামান ফু-ৰা-লুং অথবা ফু- ৰা নাম 🔯 চাও নগেন হাজৰিকা

(১)
অ'ই খাম ৰূ
আম্ ছু ছিন্ কুন্ তাই খাও
ফু ৰা লুং ফু ৰা লুং ৷
হেউ দাই ৰাও লুক্ কা নেউ
মাউ জন্ মিং ফু ৰা লুং ৷৷
অ'ই খাম্ লাই
জিম্ মু তাং মাউ জু য়াউ ৷
ম্যুং তাম্ নু লা লা প্লাও ৷৷
জেন্ পিন্ ফা জাও কাও জান্ ৷
খাও পাই তেত্ মু তুই কান্ ৷৷
মাউ পিন্ কুঞ্ ইং কা ফ্ৰা ৷
আও তাং ফা খুন্ থেন্ থেউ খাম্ ৷৷
পূ ৰং ম্যুং পু তাও খাং ৷
লা কা চাও ফুক্ থেক্ চাং ৷৷
লক্ পিন্ তেন্ ফু কাও খাম্ ৷
পুক্ ছাও ম্যুং পেত্ চি চিং ৷৷
থাও লু ঙাম্ হেউ দাই তাং ৷
ঞা পু লক্ জাও পয়্ তেক্ ৷৷
আই ছাং দিন্ ছেং কয় ম্যুং ৷
ছেং ফা খাম্ ঙেক্ পেত্ লান্ ৷৷
ছেং কাম্ ফা খান্ পেত্ ম্যুং ৷
ঙি ঙাও খাম্ হেউ পুত্ খ্ৰিং ৷৷
ফা তু চিং ফ্ৰং হুম্ অ'ই ৷
হেউ দাই ৰাও জন্ মিং অ'ই ৷৷
(২)
অ'ই খাম ৰূ
লেং দন্ ঙি ৰং খাম্
চাও লুম ম্যুং ফী খাম্
খ্ৰুপ তাং ৰং বয়্ চাও অ'ই
ফা ছাং দাম্ ৷
অ'ই খাম্ লাই
লুক্ মান্ চাও দা খাম্
নেউ তি ফা ৰং খাম্
মান্ নাং কু খাও তাং অ'ই
থিন্ ৰূ খাম্ ৷
ৰাই ঙেন্ হয়্ চাও খ
চি তাম্ লা কুং খ
চি ৰপ্ চপ্ খপ্ বাই অ'ই
নেউ খাও চাম্ ৷
চেক্ ফা ৰূ তাং খাম্
পত্ লুং ক্ক চাপ্ কণ্
খিপ্ তিন্ তাং ছং তিন্ অ'ই
লক্ পিন্ খাম্ ৷
ছং ৰা থত্ নাপ্ ছেং
কিউ কিউ চি নাত্ ক্লাং
আত্ ফা বিন্ বাই ৰাম্ অ'ই
তাং ৰাং এং ৷
চুম্ ফা ৰুং ছেং ম্যুুং
নেউ জু ক উপ্ খাম্
খত্ পয়্ খাম্ হঁয় মান্ অ'ই
তি খ কন্ ৷
(৩)
অ' খাম ৰূ
ফা লাই বেত্ ফা পিন্ বেত্
ফা ফু ৰা ছি কি আ,
আ লং মাউ খ্ৰুপ্ খ্ৰুপ্ তাং
ৰং বয়্ বয়্ ছি কি আ ৷
অ'ই খাম্ লাই
হিত্ খুন্ চাম্ ছাই ৰে ফা
ম্যুং ফী তাং ছি কি আ ,
থেউ চেউ দু মান্ বান্ লেং
কু খ অ'ই ছি কি আ ৷
তেন্ লেন্ মান্ বাউ কি লাং
জা ছিং ফা ছি কি আ,
পয়্ পুন্ লাং থাও থেন্ খাম্
তাং লেং ছেং ছি কি আ ৷
ম লাউ খ্ৰী পূ ফী ছু
লে মা তেত্ ছি কি আ
আই খুন্ লুং ঙি খুন আই
লা ঙু তাং ছি কি আ ৷
খাও ৰাং কান্ হেউ ফান্ খাম্
ছং ৰা লান্ ছি কি আ
ম্যু লাং দিন্ লুং মা চস্ ৷
হিত্ তাং বং ছি কি আ ৷
লুক্ লান্ ছং আই খুন্ লুং
ঙি খুন্ লাই ছি কি আ
ক্ক লুং মা বং চা লিক্
চা খাং অ'ই ছি কি আ ৷
(৪)
অ'ই খাম্ ৰূ
চাও নূ ৰূ চাও কাও অ'ই
ফা তু চিং ফ্ৰং হুম্ অ'ই,
ফা লাই বেত্ ফা পিন্ বেত্
আম্ ছু ছিন্ কুন্ তাই মেত্ ৷
অ'ই খাম লাই
মাউ লক্ পিন্ তাং চে চেম্
কুঞ্ ইং কা ফু ৰা চাম্ ৷
মাউ জু তাং তি য়েন্ চিং
লক্ পিন্ ফা চাম্ লাং দিন্ ৷
মাউ পিন্ তাং ত্যু দিপ্ খাও
তুন্ নুক্ প্লা চাম্ ম্যুং কাও ৷
লুম্ চিং প্লাও নাম্ মক্ বান্
মাউ জেন পিন্ তাং লাই কন্ ৷
মাউ ৰাক্ কান্ পেং কান্ ৰাও
হেউ জন্ মিং কুন তাই খাও ৷
(৫)
অ'ই খাম ৰূ
অ' ফু ৰা মাউ ফু ৰা ফা ফু ৰা আ লং অ'ই
বং ফু ৰা কন্ ফু ৰা ছেং ফু ৰা আ লং অই ৷
অ'ই খাম লাই
কন্ চুং ফা থেন্ খাম্ ফা কন্ ফ্ৰা ফক্ আ লং অ'ই
ছাই ৰে ফা ছেঙ কাম্ ফ , ঙি ৰিং খাম্ আ লং অ'ই ৷
হুন্ খাম্ ঙাম্ ফু কা ও খাম্ লেং ঙাও খাম্ আ লং অ'ই
পূ ফী ছ্যু ম্যুং ক্লিং খ্ৰু ফা কাও খাম্ আ লং অ'ই ৷
চাও ছাই ফুন্ ঞা ইন্ য়াই জা ছিং ফা আ লং অ'ই
ম লাউ খ্ৰী চাও লেং ছেং চাও ছেং দেং আ লং অ'ই ৷
চাই ইং ইং চাও দা খাম্ তি ম্যুং লাই আ লং অ'ই
নাং ছেং দাও উ ম্যুং দ'ই ফা ছাং পাউ আ লং অ'ই ৷
ছাং ছেং দাউ কন্ জাং ফা ম্যুং নক্ ফা আ লং অ'ই ৷
ঞা পু লক্ জা দিপ্ ফা ম্যুং থি লা আ লং অ'ই ৷
আই খুন্ লুং ঙি খুন্ লাই ম্যুং মাউ লুং আ লং অ'ই
চাও ছাং বুন্ তাও ছি ঙা তাও লেং ফা আ লং অ'ই ৷
(৬)
অ'ই খাম ৰূ
দাই তাং লিত্ লাই তু
লিত্ দিন্ লিত্ ম্যুং নূ
খাম্ তাং জিম্ ম্যু কিউ কিউ
আ ৰং ফু ৷
অ'ই খাম লাই
ম্যু ম্যুন্ ব্যু ম্যুন্ ছেন্
তেউ ফা ছাম্ ম্যুন্ ম্যুং
ম্যুং কাং চাও জাং পাই নাং
হিত্ চাও ম্যুং ৷
কং ত খাক্ খাই থেন্
জিন্ কন্ খা মাই চাং
তাক্ তেন্ পিন্ কুন্ চাম্ অ'ই
ছাম্ ম ম্যুং ৷
দি নেউ উ কাং খাম্
কাং প তেন্ লেন্ ছান্
ছাং দিন্ চাং তাক্ খুন্ ফী
পুক্ ফী মা ৷
খেউ চাং অক্ মা খু
পা মাই ম্যুং কাং য়াউ
চাং পু খুন্ চাও খুন্ খা
পি বাও অ'ই ৷
খাউ পয়্ য়াং ঙি ছাও
ফা চাক্ বান্ ছেং পন্
খাং তাক্ ঙিন্ ফুন্ থুঞ্ অ'ই
চাও হিত্ খুন্ ৷
(৭)
অ'ই খাম ৰূ
ফু ৰা তা ৰা ৰং বয়্ বয়্
ৰা নি পান্ অ'ই ৰং বয়্ বয়্
ছয়্ কুম্ ছয় খেঞ্ ৰং বয়্ বয়্
হিত্ দি হিত্ খেঞ্ ৰং বয়্ বয়্ ৷
অ'ই খাম লাই
ফা-তু চিং ফ্ৰং হুম্ ৰং বয়্ বয়্
চাও ফা ছাং দাম্ ৰং বয়্ বয়্
পু-থাও লুং লেং দন্ ৰং বয়্ বয়্
ম্যুং ফী খাও খাম্ ৰং বয়্ বয়্ ৷
চাও আই লেং দিন্ ৰং বয়্ বয়্
লাং কু ৰি খুন্ ৰং বয়্ বয়্
জান্ চাই হুং তাং ৰং বয়্ বয়্
চাও চিৎ লাম্ চম্ ৰং বয়্ বয়্ ৷
মুত্ কুম্ তাই কুম্ ৰং বয়্ বয়্
মে জা ছিং ফা ৰং বয়্ বয়্
খান্ খাম্ ফা ফা ৰং বয়্ বয়্
লাউ খ্ৰী লা কা ৰং বয়্ বয়্ ৷
পূ জাক্ জী তাং ৰং বয়্ বয়্
হুন্ খাম্ ঙাম্ তাং ৰং বয়্ বয়্
চাও লেং ছেং চাম্ ৰং বয়্ বয়্
ছেং দাও দা খাম্ ৰং বয়্ বয়্ ৷
মে নাং ৰাই তাং ৰং বয়্ বয়্
বন্ চাও ছাই দেত্ ৰং বয়্ বয়্
চাও ফাই ফাই মাই ৰং বয়্ বয়্
খুন্ লুং খুন লাই ৰং বয়্ বয়্ ৷
খ্ৰুপ্ তাং খ্ৰুপ্ তাং ৰং বয়্ বয়্
খ্ৰুপ্ তাং খ্ৰুপ্ লাই ৰং বয়্ বয়্
পু লিন্ পু থাও ৰং বয়্ বয়্
ম যুন ম লুং ৰং বয়্ বয়্ ৷