আহ্বান (২) ✍ চাও শৰত গগৈ

প্ৰথমে মই ফ্ৰা তু চিং ফ্ৰং হুম 
অদৃশ্যক অন্তৰত ধৰো
আহোম জাতিৰ এই মহৎ উদ্দেশ্যক
সফল কামনা কৰোঁ ॥
দ্বিতীয়তে এই কাওখা বুতু খা হৈ
ৰাইজক বয় কম কৰি
মনৰ ভাববোৰ প্ৰকাশ কৰোচোন
নিজৰ কলমক ধৰি
কবি নহওঁ মই তথাপি লিখিছোঁ
নাজানোঁ শুৱলা ভাষা
দায় দোষ অপৰাধ ক্ষমা কৰিবলৈ
ৰাইজলৈ কৰিলোঁ আশা
হে মোৰ ৰাইজ অসম দেশৰ কথা
শুনিলে অন্তৰ কপে
আহোম জাতিটো যন্ত্ৰণা ভুগিব
যেনে দংশে ফেটি সাপে
সোণৰ অসমত কি জ্বুই জ্বলিলে
দেশ চাৰখাৰ হ'ল
জাতি উপজাতিয়ে ললে ভাগ বাটি
অসম খণ্ড খণ্ড হল
সকলো জাতিয়ে বিদ্ৰোহ কৰিছে
বিচাৰি সুকীয়া ঠাই
অসম দেশ গঢ়োতা আহোম জাতিটো
অন্তৰত চেতনা নাই
নগাই নগালেণ্ড বড়োৰ বড়োলেণ্ড
মিচিংয়ে মিচিং লেণ্ড পালে
পৃথিৱী বিখ্যাত আহোম জাতিটোৱে
এলাহক সাৱটি ললে
বিদেশী নাগৰিক আহি জাকে জাকে
অসম দেশ ভৰি গ'ল
বৰ অসম গঢ়োতা আহোম জাতিটো
নিজেই ভগনীয়া হ'ল
আহোম উপাধীৰে হৈ বিভূষিত
গপত উফন্দি ফুৰে
নিজৰ ভাষা কৃষ্টিক নিজে নিন্দা কৰে
জাতিৰ নাৰাখে মান
অতীতৰ দিনলৈ সোঁৱৰী চাওচোন
আহোম কেনেকুৱা জাতি
লাচিত বৰফুকনে বীৰত্ব দেখুৱালে
শত্ৰু মোগলক খেদি
মূলা গাভৰুৱে প্ৰতিজ্ঞা কৰিলে
হাতত হেং দাঙ লৈ
স্বামীৰ হত্যা কাৰীক হিৰছ্যেদ কৰিলে
ৰণৰ ভূমিলে গৈ
স্বহীদ জয়মতীয়ে মৰণক সাৱটিলে
জেৰেঙা পথাৰত গৈ
মৰমৰ পুত্ৰ লাই লেচাইক অকলে এৰি থৈ
সেয়েহে জাতিগণ হোৱা সচেতন
এলাহক আতৰাই থওঁ
ওলাই আহা সকলো গঢ়ো গৈ
মৗঙ দুন্ ছুন খাম ॥