মগনীয়াৰ ✍ চাও ঋতুৰাজ ফুকন

দুপৰীয়া এক মান বাজিছে
তেতিয়া মই টি.ভি চাই আছিলো
হঠাৎ .....॥
এটা মাত শুনা পালো
দুখ ভাগৰৰে ভৰা
এটা কৰুণ মাত
মই বাহিৰলে ওলাই গৈ দেখো
এগৰাকী বৃদ্ধা মহিলা
দেখিবলৈ তেওঁ অলপ
ওখ-ডাঙৰ আৰু মথা-বৰণীয়া
হাতৰ কাষত এটা মোনা লৈ
ৰৈ আছে চোতালত
মই তেওঁক কেইটামান
চাউলৰ বাহিৰে আৰু
একোকে দিব নোৱাৰিলো
তথাপি ...
তেওঁ মোৰ মূৰত
হাত থৈ আশীৰ্বাদ দিলে আৰু
আতঁৰি গ'ল
অন্য এঘৰলৈ বুলি
মই ৰ লাগি তেওঁ যোৱাৰ
ফালে চাই থাকিলো আৰু
কৱ নোৱাৰাকে মোৰ
দুচকু তিতি উঠিল ॥
মই মনতে প্ৰশ্ন কৰিলো
তেওঁ কি দূখ কৰিছিল ?
ভগৱানে কিয় ইমান কষ্ট দিছে
কিন্তু ...
ইয়াৰ কোনো উত্তৰে নাপালো ॥